Sauland kraftverk
Sauland kraftverk vil nytta fallressursane i Hjartdøla og Skogsåa, i frå inntaka i Hjartsjå og Sønderlandsvatn til avløpet eit stykke nedanfor Omnesfossen. Kraftverket vil verta bygd med to separate anlegg i same stasjon. Anlegget som nyttar fallet i Hjartdøla vil få namnet Sauland I, medan anlegget som nyttar fallet i Skogsåa vil få namnet Sauland II.
Grovaråa, Vesleåa, Uppstigåa og Kvitåa vert teke inn på Sauland II.
Hovudanlegga til Sauland kraftverk vil verta:
- Ein kraftstasjon, plassert i fjell nord for Skårnes, med ein samla årsproduksjon på om lag 220 GWh, tilsvarande det årlege forbruket til omlag 11 000 husstandar.
-
Om lag 28 km tunnelar.
-
Eit 132 kV koplingsanlegg og ein om lag 700 meter lang jordkabel.
Det vert etablert mellombelse og permanente tippar ved dei ulike driftsstadane. Bygdevegar som vert brukt i anleggsfasen eller til drift av kraftverket vil få naudsynt oppgradering. Det vil verta bygd korte vegstubbar fram til dei ulike driftsstadane der dette er naudsynt